BAIA xalqaro maydonda: O'zbekiston tadbirkorlari uchun Xitoyda yangi investitsiya imkoniyatlari!
BAIA xalqaro hamkorlikni kengaytirish va O'zbekiston tadbirkorlari uchun Xitoy bozorida yangi imkoniyatlar ochish bo'yicha ishlarni davom ettirmoqda.
BAIA (Business and Investment Association) xalqaro hamkorlikni kengaytirish hamda mahalliy biznes vakillarini global bozorga olib chiqish bo'yicha tizimli ishlarni davom ettirmoqda.
Yaqinda assotsiatsiyamiz vakillari Xitoyning Urumchi shahrida bo'lib o'tgan nufuzli China-Eurasia EXPO (CAE EXPO) xalqaro ko'rgazmasida muvaffaqiyatli ishtirok etdi.
Ushbu tashrif doirasida: - Osiyo va Yevroosiyo mintaqalarining yirik ishlab chiqaruvchilari hamda investorlari bilan to'g'ridan-to'g'ri muzokaralar o'tkazildi; - Xorijiy biznes hamjamiyatlariga O'zbekistonning investitsiya salohiyati taqdim etildi; - Mahalliy tadbirkorlarimiz uchun Xitoy bozori bilan savdo-iqtisodiy va logistika aloqalarini soddalashtiradigan yangi kelishuvlarga erishildi.